Кичә, табигать гарасаты нәтиҗәсендә, район үзәгендә урнашкан бер йортта янгын чыкты.
Күрүчеләр әйтүенчә, торакны яшен суккан. Бүгенге көндә тикшерү эшләре бара.
Хуҗалар бу вакытта өйдә булмаганнар. Бернәрсәсез — яшәргә яраксыз йортсыз, киемсез, ризыксыз калган Марат һәм Фәнисә Гайфетдиновларга ярдәм кирәк.
Хөрмәтле җәмәгать, тамчыдан күл җыела, дигәннәр борынгылар. Кулдан килгәнчә, бәлага тарыган райондашларыбызга ярдәм кулы сузыйк. Игелек җирдә ятмас.
