Роспотребнадзор башлыгы Анна Попова ротавирус инфекциясенә каршы Россия вакцинасын эшләү турында хәбәр итте.
Аның сүзләренчә, препарат инде ясалган һәм чыгарылуга әзерләнә. Бу хакта ул Федерация Советының пленар утырышында хәбәр итте. " Ротавирустан вакцина эшләнгән һәм чыгарылуга әзерләнә", – дип аның сүзләрен китерә ТАСС. Попова билгеләп үткәнчә, бүгенге көндә профилактик прививкаларның илкүләм календаре үзебезнең вакциналар белән тулысынча тәэмин ителгән.
Сүз уңаеннан, хәзерге вакытта Татарстанда “Һәр кешегә сәламәтлек” төбәк проекты гамәлгә ашырыла.
